Skagfirðingamótið 2023

Skagfirðingamótið 2022

ATH. það er uppbókað í mótið en hægt er að setja sig á biðlista með að senda póst á bjbpostur@gmail.com

Öll holl verða ræst út á sama tíma kl. 10 laugardaginn 13. ágúst.

Mæting að Hamri í síðasta lagi kl. 9.20. Þeir sem vilja spila saman í holli skrái sig saman sjálfir á golf.is. Keppnisrétt hafa skagfirskir kylfingar um heim allan og þeir sem eiga sterkar tengingar í Skagafjörð, enda um átthagamót að ræða.

Punktamót sem fyrr og glæsilegar teiggjafir afhentar fyrir ræsingu.

Verðlaun í karla- og kvennaflokki, fyrstu 10 sætin, auk fjölda aukaverðlauna. Einnig nándarverðlaun fyrir karla og konur og lengsta upphafshögg. Punktahæsta parið og verðlaun fyrir besta skor.  Aðeins þeir sem eru í klúbbi með skráða forgjöf á mótsdegi hafa tilkall til verðlauna í punktakeppni og fyrir besta skor, aðrir leika sem gestir.

Einnig er keppt um Gunnabikarinn, fyrir besta skor á mótinu, en fjölskylda Gunnars Þ. Guðjónssonar, Gunna bakara, gaf bikarinn árið 2021, í minningu forsprakka Skagfirðingamótsins. Gunni féll frá árið 2020.

Á mótinu í ár verða sérstakir gestir frá Danmörku, í fylgd Skagfirðingsins Óla S. Barðdal, golfkennara í Árósum.

Verðlaunaafhending á Hótel Hamri að móti loknu.

Mótsgjaldið er kr. 5.500 kr. pr mann

Þeir sem ekki eru í klúbbi sendi skráningu á bjbpostur@gmail.com.

Þeir sem verða komnir í klúbb á mótsdegi tilkynni það áður en leikur hefst.