Kurteis ábending til þeirra sem nýta sér Eyjuna.

Bob Fréttir, Viðburðir

Golfklúbbur Borgarness heldur úti öflugri starfssemi í Eyjunni. Að vísu í gömlu húsi en engu að síður frábærri aðstöðu. En ekki loftræstri.

Eyjan, eins og önnur íþróttahús landsins, þarf nú skyndilega að huga að öflugri sóttvörnum og þrifum í ljósi aðsteðjandi váar.

Við í GB getum ekki fylgst með hverjum og einum er sækir Eyjuna heim en ávísum einfaldlega þeirri ábyrgð á þá sem vilja nýta sér aðstöðuna. Við mælum með því að fara á heimasíðu Landlæknis   https://www.landlaeknir.is/um-embaettid/greinar/grein/item38911/Spurningar-og-svor-vardandi-koronaveiruna- varðandi hvernig ber að haga sér við núverandi aðstæður. Við erum ekki að vekja ugg eða óhug, heldur benda á skynsemi fagmanna.

Mjög stór hópur eldri borgara í Borgarnesi sækir þessa íþróttaaðstöðu reglulega og eru eðlilega áhyggjufullir um smitleiðir enda í mesta áhættuhópnum.

Við biðjum því félaga GB og aðra sem nýta sér þessa aðstöðu að virða alvarlegustu tilmæli Landlæknis til hlítar.

Framkvæmdastjóri GB og umsjónarmaður Eyjunnar.