Allir í golf í Borgarbyggð

Bob Fréttir, Viðburðir

Siðasta laugardag  (10.00-12.00) var opið hús hjá GB barna- og unglingadeild og Gullhamarsmótið einnig haldið. Undir formerkjum : ALLIR Í GOLF Í BORGARBYGGÐ.

Þetta er í annað sinn á sumrinu sem þetta var gert og tókst afar vel til nú, eins og í fyrra skiptið.  Mikill fjöldi ánægðra gesta mættu,  veður var gott  og allir fengu að taka þátt. Eftir mótið/kynninguna voru grillaðar pylsur á grillnýju 40.000 króna grilli sem Húsasmiðja skenkti Barna- og unglingadeild GB.

Það er komin myndarlegur  og góður hópur af krökkum sem mæta reglulega á æfingar hjá Magnúsi Birgissyni PGA, þjálfar GB,  og hefur aukning verið töluverð í sumar.

Ekki hefur dregir úr mætingu  að í  sumar hefur nánast alltaf verið gott veður þegar æfingar fara fram (2var í viku) og mikið fjör. Magnús  hefur blandað mikið af leikjum og æfingum saman svo krakkarnir hafa haft heilmikið að gera um leið og þeir læra leikinn golf.

Húsasmiðjugrillið  er geymt í “skemmukompunni hennar” Ebbu í æfingaskýlinu  en er öllum til afnota í sínu félagsstarfi á Hamarsvelli hvort sem það eru golfarar hjá GB eða eldriborgarar í púttinu. Ebba verður sjálf að veita aðgang að því.  Eina skilyrðið fyrir afnotum er að ganga vel um nýja grillið.